Украинаны қаруландыруға тағы $3,5 миллиард бөлінеді

Келесі аптада Украинаны қаруландыруға 3 жарым миллиард доллар бөлінеді. Бұл қаражат АҚШ-тан «Пэтриот» әуе қорғанысы жүйесінің ракеталары мен «Хаймерс» атқышының снарядтарын сатып алуға жұмсалады. Мұны Киевте Еуропарламент президенті Роберта Метсоламен өткен баспасөз конференциясында президент Владимир Зеленский мәлімдеді. Украинаның еуропалық одақтастары мен АҚШ биыл қабылдаған бағдарлама бойынша, ақшаны НАТО елдері жинап отыр. Осы механизм бойынша жақында Киевке 2 миллиард долларға арсенал жөнелтілген.

Айта кетсек, Украина Ресейдің зымырандарын құлату үшін Батыстың ұзақ қашықтыққа арналған қорғаныс жүйесіне тәуелді.