Интернетте экстремистік идеялардың таралуына қарсы тұру маңызды

Интернетте экстремистік идеялардың таралуына қарсы тұру маңызды. Дін көшбасшыларының съезіне АҚШ-тан арнайы келген меймандардың бірі Мұхаммед Маджид осылай дейді. Ол Вирджиния штатындағы Даллес аумағындағы мұсылман қауымдастығының жетешісі. Бұған дейін Солтүстік Америкадағы Ислам қоғамының бұрынғы президенті қызметін атқарған. Мұхит асып келген мұсылманмен әріптесім Самал Қабышева сұқбасты.

Самал Қабышева, тілші:

Дін көшбасшылары адамзаттың цифрлық болашағын талқылауға қатысуы тиіс. Президент Қасым-Жомарт Тоқаев съезде осылай деді. Осыған қатысты өзіңіздің пікіріңізді білдірсеңіз.

Мұхаммед Маджид, Даллес ауданындағы бүкіл мұсылман қауымдастығының басшысы:

Діни жетекшілер өмірдегі өзгерістерге бейімделуі керек. Заман ағымынан қалуға болмайды. Сондықтан Президент Қасым-Жомарт Тоқаевтың цифрландыруға қатысты бастамасын толық қолдаймын. «Дін көшбасшылары адамзаттың цифрлық болашағын талқылауға қатысуы тиіс»,- дегені өте дұрыс ұсыныс. Себебі заман ағымынан қалуға болмайды. Интернетте экстремистік идеялардың таралуына қарсы тұру маңызды. 

Съезден жалпы не күтесіз?

Біріншіден, осы әдемі елге әлемнің түкпір-түкпірінен дін көшбасшыларын жинағаны үшін Қазақстан Президентіне, халқына алғыс айтқым келеді. Осы съезден мен «әл-Азһар мен Ватикан қол қойған «Адамзат бауырластығы туралы құжат» және «Мекке» сынды әртүрлі декларациялардың іс жүзінде жүзеге асырылуын күтемін. Бұл съезд барша қоғам үшін маңызды. Халықаралық мінберге айналған алаң. Съезд барысында қабылданған декларациялар мен үндеулер тек Қазақстан аясында шектелмей, БҰҰ Бас Ассамблеясының ресми құжаттары ретінде таратылып келеді. Бұл – форум шешімдерінің халықаралық деңгейде мойындалуының жарқын көрінісі.