Қызылорда сақшылары қоғамдық тәртіпті дронмен қадағалайтын болды

Қызылордада сақшылар енді қоғамдық тәртіп пен тыныштықты дрон арқылы қадағалайды. Полиция департаменті заманауи цифрлық технологияларды кеңінен қолданып, құқық бұзушылықтың алдын алмақ.

Әзірге қала аумағында 6 әуе аппараты бақылау жүргізеді. Полиция инспекторлары қашықта тұрып-ақ дрондар арқылы тұрғындарға дыбыстық ескерту жасай алады. Сондай-ақ түнде қондырғының жарық шамы қосылып, қараңғы аумақты шолуға мүмкіндігі бар. Жалпы әуеден бақылау тәсілі алғаш рет республикалық маңызы бар автожолдарда іске қосылып, оң нәтижесін берген болатын.

Сәбит Ибадулла, ОПД бастығының орынбасары:

Біз дронакоп деп атаймыз. Яғни полицияға бағытталған кез келген қуыстарда, мысалға көп жерде жиын болып, отқан жерін ластап жатса осының барлығын осы дрон арқылы көріп және оны видеофиксацияға алып әрі қарай шара қолдануға мүмкіндік береді.