Парсы шығанағы елдері АҚШ-ты Израильге қарсы қысымды күшейтуге шақырды

Парсы шығанағы елдері жақында шабуылға ұшыраған Қатарға қолдау білдіріп, АҚШ-ты Израильге қарсы қысымды күшейтуге шақырды. Мұндай мәлімдеме Араб және ислам мемлекеттерінің Дохада өткен төтенше саммитінде жасалды.

Естеріңізге сала кетсек, Израиль «Хамастың» лидерлерін жою мақсатында Қатар астанасына қыркүйектің 9-да соққы берді.

Премьер-министр Биньямин Нетаньяху мұндай операцияның тағы да қайталануы мүмкін екенін жоққа шығармады және де АҚШ мемлекеттік хатшысы Марко Рубио, Нетаньяхуды бұл мәселеде құптайтынын Иерусалимге сапарында ашық мәлімдеді.