Әкімдерге ескерту жасалды

Жылыту маусымына дайын емес облыс әкімдеріне 1 апта уақыт берілді. Бүгінде Степногорск, Орал, Аягөз, Сәтбаев қалаларында жөндеу жұмыстары аяқталмаған. Олжас Бектенов Үкімет отырысы кезінде өңір басшыларына ескерту жасады. Қазір Павлодар облысының әлеуметтік нысандарына жылу беріле бастаған. Ал Солтүстік өңірлерде жылыту маусымы 1 қазанға дейін басталуы тиіс деген Премьер-министр жұмыс сапасына ерекше назар аударды.

Олжас Бектенов, ҚР Премьер-министрі:

Жұмыстың сапасы басты назарда болуға тиіс. Тапсырма орындалмаса, тиісті шешімдер қабылданады. Бұл – барлық өңірге қатысты мәселе. Жылу беру маусымын уақытылы бастау қажет. Ағымдағы ахуалды келесі Үкімет отырысында қараймыз.