Елордада Жолдаудың негізгі тұстары сараланды

Бүгін Қазақстанның Азаматтық альянсында Парламент депутаттары, Мәдениет және ақпарат министрлігінің өкілдері Президент Жолдауын талдады. Әсіресе, қатысушылар құжатта аталған негізгі бағыттарды жүзеге асырудағы азаматтық қоғамның рөлін айқындады. Жиынға сондай-ақ, жетекші үкіметтік емес ұйымдардың басшылары және өңірлік азаматтық альянстардың жетекшілері қатысты. Қатысушылар азаматтық бірегейлікті нығайту, жастарды мемлекеттік және қоғамдық процестерге тарту, қоғамдық бақылау тетіктерін кеңейту мәселелеріне де ерекше назар аударды.

Сәлімбай Шүнеев, ҚР Қоғамдық кеңестер үйлестіру орталығының төрағасы:

Бүгінгі дөңгелек үстел бізге Жолдаудың негізгі тұстарын саралап, оның мазмұнын кәсіби сарапшылық және қоғамдық тұрғыдан талқылауға мүмкіндік береді. Сонымен қатар азаматтық қоғамның осы міндеттерді іске асырудағы рөлін қарастыруға жол ашады.