«QAITADAN» көркем фильмі көрерменге жол тартты

Еліміздегі барлық кинотеатрда бүгіннен бастап «QAITADAN» атты көркем фильм көрсетіле бастады.

Туындыда елді мекенде дамбы жарылған кездегі ауыл тұрғындарының бір күндік өмірі суреттеледі. Төтенше жағдайдан кейінгі халықтың жай-күйі мен сезімі де арқау болған. Фильмнің жабық көрсетілімі Астанада өтті. Бұл – апат тақырыбына арналған еліміздегі алғашқы көркем фильм. Мәдениет және ақпарат министрлігі мен Ұлттық кино орталығы туындының жарық көруіне қолдау білдірді.

Жалын Тілеуберген, фильмнің бас продюсері:

«Бұл фильм апаттың фонында өтеді. Негізгі ойы – есею тақырыбы. Басты кейіпкердің есеюін көрсету арқылы жалпы ел, ұлт та есеюге болады деген шағын арманымыз бар».

Азамат Нұғыманов