Жаңалықтарды Telegram арнамыздан оқыңыз!Бүгін Ақмола облысы Ақкөл қаласында «Таза Қазақстан» экологиялық акциясы өтті. Ауқымды шараға мемлекеттік қызметкерлер, қоғам белсенділері, «Жасыл ел» жасақтарының мүшелері және еріктілер, барлығы 200 адам қатысты. Олар телемұнара маңындағы 5 гектар аумақты толықтай тазартты. Бұл - қала тұрғындары мен қонақтары көп жиналатын қоғамдық орындардың бірі. Ұйымдастырушылар осы арқылы елді мекендер келбетін жақсартумен қатар, әр азаматтың табиғатты қорғауға деген жеке жауапкершілігін оятуды көздейді.
Назарбек Көкенұлы, Ақкөл аудандық мәслихатының депутаты:
Бұл акцияның идеясы мен мақсаты - өте айқын әрі жарқын. Себебі таза әрі әдемі жерде өмір сүру – әрбір қазақстандықтың арманы. Оған жетудің бір жолы – осындай шаралар өткізіп, жастар мен балаларды тазалыққа баулу. Осы арқылы еліміздің болашағын жарқын ете аламыз деп ойлаймын.
Аманкелді Сейітхан
