Астанада 207 қоқыс полигоны жойылды

Астанада рұқсатсыз қоқыс төгілген 207 полигон жойылып, 270 мың тоннадан астам қоқыс шығарылды. Бұл жұмысқа 150-ге тарта арнайы техника жұмылдырылған. Қалада мобильді топтар мен IKomek жүйесі белсенді жұмыс істеп, заңға қайшы әрекеттерді тіркейді. Әкімдік қоқысты рұқсат етілмеген орындарға тастағаны үшін жеке тұлғалар мен кәсіпорындарға 100-ден 1000 АЕК-ке дейін, бір жыл ішінде қайта құқық бұзса, 200-ден 2000 АЕК-ке дейін айыппұл салынатынын ескертеді. Яғни айыппұл көлемі 7 миллионға дейін жетуі мүмкін. «Бұл қатаң шаралар экологиялық ахуалды жақсарту үшін маңызды», - дейді әкімдік.

Ақниет Балтанова