Жаңалықтарды Telegram арнамыздан оқыңыз!Бүгін Қарағанды облысының Шахтинск қаласында «Жасыл ел» еңбек жасағының мүшелері және жастар ресурстық орталығының мамандары Шерубай-Нұра өзенінің жағасын тазалады. Акцияға 70-ке жуық адам қатысты. Апта сайын белсенділер қала аумағын таза ұстау үшін сенбілікке шығады. Қоршаған ортаға деген қамқорлықты арттырып, табиғатты аялау әр тұрғынның міндеті болуы тиіс, дейді жастар.
Әсем Ақанова, Шахтинск қаласы Жастар ресурстық орталығының сектор меңгерушісі:
Әр адам қоршаған ортаға қамқор болып, табиғатты таза ұстауға міндетті. Бұл – бабалардан қалған баға жетпес мұра. Сондықтан жастарды табиғатты аялауға тәрбиелеп, экологиялық акциялар өткіземіз. Қала тұрғындарын да қатарымызға қосылуға шақырамыз.
Нұргүл Ахметова
