Әлем нарығында мұнай бағасы өсті

Әлем нарығында мұнай бағасы соңғы бес аптадағы ең төменгі деңгейден қайта өсе бастады. Brent маркасының құны 1,3 пайызға өсіп, 68 жарым долларға жеткен. Ал техастық сұрып 66 доллар 8 центке дейін қымбаттады.

Сарапшылардың пікірінше, мұнай нарқының өсуіне АҚШ президенті Дональд Трамптың мәлімдемесі себепші. Өткен тәулікте Ақ үйдің қожайыны Ресей мұнайын сатып алғаны үшін Үндістан тауарларына тарифті көтеретінін ескертті. Айта кетсек, Қытай тәрізді Үндістан да Ресей энергиясын ең көп импорттайтын елдер қатарына кіреді.

Арыстан Рысбек