Енді айыптұрақтары ақылы болады

Енді айып тұрақтары ақылы болады. Бұған дейін азаматтар жылдар бойы тұрған көлігінің негізгі айыппұлын төлеп, шығарып алатын. Енді тұрақтағы әр тәулік үшін де ақы төлеуге міндеттелмек. Заңға енгізілген түзетулерді Сенат қабылдап, Президенттің қол қоюына жіберді. Көлікті тұраққа дейін жеткізу құнын және әр тәулігіне төленетін бағасын жергілікті мәслихаттар бекітеді. Кей азаматтар автокөлігін жылдам алып шығуға асықпайды. Өйткені тұрақ тегін, оның үстіне 24 сағат күзетіледі. Осылайша, билік өзгеріс енгізу арқылы тоғытылған темір тұлпарлардың санын азайтпақшы. Дегенмен, қарапайым жүргізушілердің бұл тұрғыда пікірі әр түрлі.

Оңғар Алпысбай