Жаңалықтарды Telegram арнамыздан оқыңыз!Бүгін кешке елорда ерекше дүбірге бөленеді. Құрманғазы атындағы Қазақ ұлттық халық аспаптар оркестрі 90 жылдық мерейтойына орай үлкен концерт қоймақ. Еркеғали Рахмадиев атындағы филармонияда өтетін мерекелік кеш екі бөлімнен тұрады. Бірінші Дәулеткерей, Тәттімбет, Нұрғиса Тілендиев сынды дәстүрлі күйші-композиторлардың туындылары орындалады. Одан соң көрермен заманауи бағыттағы шығармалар мен әлемдік классиканы тамашалайды. Ғасырға жуық тарихы бар, қазақ күй өнерін жаһан жұртына танытқан ұжым бүгін жаңа туындысын ұсынады.
Медет Қуанышев, Құрманғазы атындағы Қазақ ұлттық халық аспаптары оркестрінің директоры:
Оркестіріміздің басты миссиясы – халқымыздың ғасырлар бойы қалыптасқан ұлттық музыкасын, күй өнерін, халық әндері мен аспаптық туындыларын кәсіби деңгейде насихаттау. Бұл біздің мәдени кодымыздың негізі, ұлт руханиятының алтын өзегі.
Ернұр Медет
