Осы аптада қазақстандықтар 4,5 млн тал екті

Осы аптада қазақстандықтар 4,5 млн тал екті. Мұны «Таза Қазақстан» экологиялық фестиваліне қатысқан Президент хабарлады. «Ойдың да, бойдың да, қоршаған ортаның да тазалығын сақтау әр адамның ішкі мәдениетінің көрсеткіші» деді, жиналған қауым алдында сөйлеген сөзінде.  

Ал кеше жалпұлттық сенбілік өтті. Мысалы, Астанада айналаны күл-қоқыстан тазалап, 12 мыңнан астам көшет отырғызуға 100 мыңға жуық адам қатысқан.  

Қаланы көркейтуге түрлі еңбек ұжымдарымен қатар Сенат пен Мәжіліс төрағалары, Премьер-министр, мемлекеттік кеңесші шықты.

Жалпы, соңғы аптада елімізде 200-ге жуық экологиялық акция ұйымдастырылыпты. Айналаны таза ұстау талабы өте дұрыс. Қолдың таза болуын талап ету де.