Жамбылда Айша Бибі кесенесінің аумағы қоқыстан тазартылды

Жамбылда Айша Бибі кесенесінің аумағы қоқыстан тазартылды. Ал жастар тарихи кешеннің аумағына ағаш көшеттерін отырғызды.

«Ежелгі Тараз ескерткіштері» мекемесі ұйымдастырған экологиялық шараға аудан ардагерлері мен тарихшылар да тартылды. Музей-қорық ұжымы бұған дейін Қарахан кесенесінің аумағын абаттандырған еді. Енді бұл бағыттағы жұмыс Ақыртас, Түймекент қалашығы мен Тектұрмас тарихи ескерткіші аумағында жалғаспақ. Жалпы Жамбылда жыл басынан бері 60 тарихи-мәдени ескерткіш, 143 саябақ пен тынымбақ аумағы тазартылды. «Жасыл белдеу» жоспары бойынша 190 мың түп ағаш отырғызу жоспарда.

Серік Сәлемов, облыс әкімінің орынбасары:

Жамбыл өңірінде 3500-ден аса тарихи-мәдени нысан бар. Сол нысандардың төңірегін тазалап, гүлзарларын дұрыстап әктеп, әрлеп тал-дарақтарды егу. Оның ішінде біз басымдықты мына жеміс ағаштарын егуге беріп отырмыз. Байлығымыз осы табиғат. Осы табиғатты болашақ ұрпаққа осы өз қалпында сақтап дамыта отырып, тастап кету.

Данияр Әлімқұл