«Қазақстан» телерадиокорпорациясы Дүниежүзілік этноспорт конфедерациясының жүлдесіне ие болды

«Қазақстан» телерадиокорпорациясы Дүниежүзілік этноспорт конфедерациясының жүлдесіне ие болды. «Үздік жетістігі үшін» жүлдесі Корпорацияға Дүниежүзілік көшпенділер ойындары кезіндегі қызметі үшін берілді.

Марапатты Санкт-Петербург қаласында өтіп жатқан VII Этноспорт форумы аясында аталған конфедерацияның президенті Біләл Ердоған табыстады.

Былтыр Астанада өткен V Дүниежүзілік көшпенділер ойындары кезінде Корпорацияға қарасты «Qazaqstan» және «Qazsport» телеарналары спорттық сайыстарды толықтай тікелей эфирде ұсынды. Сонымен бірге 10-нан астам мемлекетке халықаралық сигнал таратылды.