Бүгін таңертең Тәжікстанда жер сілкініп, салдарынан 29 үй мен бір мектеп қираған

Бүгін таңертең Тәжікстанда жер сілкініп, бір бала мерт болды. Тәжікстанның Төтенше жағдайлар және азаматтық қорғаныс комитетіне сілтеме жасаған «Спутник-Тәжікстан» ақпараттық қызметі хабарлады. Магнитудасы 9 балл болатын сілкініс салдарынан 29 үй мен бір мектеп қираған. Жер сілкінісінің эпицентрі 200 мыңдай халқы бар Худжанд қаласынан оңтүстік-шығысқа қарай 170 шақырым жерде орналасқан. Дүмпудің әсері Қазақстанның оңтүстігіндегі Түркістан, Тараз және Шымкент қалаларында, сондай-ақ 20 дан астам шағын қалалар мен елдімекендерде байқалған. Қазақстандағы сілкіністің қуаттылығы 2-3 балл шамасында.