Жаңалықтарды Telegram арнамыздан оқыңыз!Мемлекет басшысы «Қазатомөнеркәсіп» ұлттық атом компаниясы» АҚ-ның Басқарма төрағасын қабылдады. Кездесуде Мейіржан Юсупов компанияның өткенін екшеп, болашағына бағдар жасады. Сондай-ақ минералды-шикізат базасын ұлғайту және барлау жұмыстары үшін жаңа лицензиялар алынғаны айтылды. Бұдан бөлек, Тәжікстан, Франция, Моңғолия және Иордания елдерімен жасалған келісімдерге тоқталды. Холдинг былтыр өңірлерді дамытуға 3,7 млрд теңгеден астам қаражат бөлгенін жеткізді. Өз кезегінде Президент компания жұмысының тиімділігін арттыру және әлеуметтік маңызы бар жобаларды орындау бойынша бірқатар тапсырма берді.
Мейіржан Юсупов, «Қазатомөнеркәсіп» ҰАК» АҚ Басқарма төрағасы:
Өткен жылдың қорытындысы бойынша уран өндірісі 10,2 пайызға өсіп, 23 мың тоннадан асты. Топ бойынша сату көлемі шамамен 16,6 мың тоннаны құрады. Ал кіріс мөлшері рекордтық 1,8 трлн теңгеге жетті. Мемлекет басшысына «Үлбі-ЖБҚ» зауытының өткен жылы 200 тонна жылу бөлетін құрамалар, яғни ядролық отын өндіріп толық қуатқа шыққаны туралы баяндадым.
Серік Жұмабек
