Басты Жаңалықтар 8 облысқа су тасқыны қаупі бар

8 облысқа су тасқыны қаупі бар

11.03.2025 14:38

Үкімет отырысында Экология және табиғи ресурстар министрі Ерлан Нысанбаев көктемде су басуы мүмкін өңірлерді атады. Оның айтуынша ел аумағының 71 пайызы қар құрсауында жатыр.

Қауіпті аймақтар қатарында Ақтөбе, Қостанай, Қарағанды, Ақмола, Солтүстік Қазақстан, Шығыс Қазақстан, Ұлытау және Абай облыстары бар. Ал қауіптілігі орташа өңірлер Алматы, Жетісу, Жамбыл, Батыс Қазақстан және Атырау облыстары. Павлодар, Маңғыстау, Түркістан және Қызылорда облыстары тасқын қаупі төмен аймақтар тізіміне енген. Министр наурыз-сәуір айларындағы күннің күрт жылынуы мен жауын-шашынның мол болуы болжанып отырғанын, ал бұл тасқынға себеп болатынын атап өтті.

Ерлан Нысанбаев, ҚР Экология және табиғи ресурстар министрі:

«Қазгидромет» алғаш рет әр облыс бойынша егжей-тегжейлі анықтамалар дайындады. Бұл анықтамаларда гидрологиялық бекеттер бойынша су деңгейінің және ағысының күтілетін ең жоғары мәндері, ағын көлемі және сондай-ақ қауіп аймағында орналасқан елдімекендерді белгілей отырып, болжамды басталу күндері көрсетіледі. Гидрометеорологиялық ахуал күрт өзгерген жағдайда «Қазгидромет» дауылды ескертулерді 2-3 тәулік бұрын хабарлайтын болады.

Бөлісу