Құтқарушылар жолда қалған 50-ден астам адамға көмек көрсетті

Түнде құтқарушылар қар құрсауында қалған 50-ден астам адамға көмек көрсетті. Қостанай облысында үш жеңіл көлік пен 1 жүк көлігі жолда қалған. Жолаушылар дін аман. Ұлытау, Ақтөбе облыстарында да тура осындай жағдай болды. Ал Ақмола облысында жолда қалған азаматты шұғыл түрде жедел жәрдем қызметіне жеткізді.

Бұған дейін синоптиктер 17 өңірде дауылды ескерту жариялаған еді. Дәл қазір Ақтөбе, Атырау, Ұлытау, Қостанай, Қызылорда облыстарындағы бірнеше жол учаскесі жабық тұр. Жалпы, мамандар ел бойынша азаматтарға ауа райы тұрақталғанша алыс жолға шықпауға кеңес берді.

Оңғар Алпысбай