Жаңалықтарды Telegram арнамыздан оқыңыз!Алматыдағы Бағанашыл ықшам ауданында орналасқан №1 облыстық балалар үйінің мәселесі шешілді. Осыған дейін әлеуметтік желіде тәрбиеленушілер ғимараттың Алматыдан Қонаевқа көшірілетінін, бұған түбегейлі қарсы екенін айтқан еді. Бұл іске бала құқықтары жөніндегі уәкіл Динара Зәкиева араласты. Әрі облыс әкімі балалар үйінің өкілдерімен кездесті. Жиында білім алып жүрген балалар өздеріне үйреншікті ортада оқуын жалғастыратыны белгілі болды. Ал жаңадан қабылданатын тәрбиеленушілер Қонаевқа орналастырылады, дейді Динара Зәкиева. Қазір облыста жаңа балалар үйінің құрылысы жүріп жатыр. Ауданы 4 000 шаршы метр болатын заманауи ғимарат 240 балаға арналған. Нысан жазда қолданысқа беріледі. Оның бір бөлігіне апаттық жағдайдағы ғимаратта білім алып жатқан Алматыдағы Ибрагим Нүсіпбаев атындағы мектеп-интернаттың оқушылары орналасады, деді әкімдік.
Ернұр Медет
