Жаңалықтарды Telegram арнамыздан оқыңыз!Алғыс айту мерекесінде Түркістан облысының Сайрам ауданында қайырымдылық шарасы өтті. «Қоғамдық келісім» мекемесі аудандық филиалының басшылығы мен этно-мәдени бірлестіктердің мүшелері перзентханаға барып, жаңа босанған көпбалалы анаға сый-сияпат жасады. Төртінші перзентін өмірге әкелген Әйгерім Ыбыраеваға қоларба мен гүл шоқтарын тарту етті. Ауданның ел ағалары нәрстеге жақсы тілектерін айтып, ақ баталарын берді. Бүгін түнде аман-есен босанып, шекесі торсықтай ұлын қолына алған ана мұндай тосынсыйды күтпегенін айтады. Ол жақсылық жасаған барлық жандарға алғысын жеткізді.
Әйгерім Ыбыраева, көпбалалы ана:
Бүгін осындай тосын сый алғаныма өте қуаныштымын, күтпедім әрине. Бұл - менің төртінші перзентім. Барлық перзенттерімді осы жерде босандым. Ақ халатты абзал жандарға мың алғыс! Бүгінгі Алғыс айту мерекесі құтты болсын!
