Жаңалықтарды Telegram арнамыздан оқыңыз!Қазақ ІТ-мамандары ойлап тапқан жоба арқылы америкалықтар жұмысқа орналасып жатыр. «Call2action» деп аталатын жоба жасанды интеллектінің көмегімен жүзеге асады. Бұл бастама әуелі Қазақстанда сәтті жүзеге асып, қолданыс аясы кеңейіп келеді. Енді міне, мұхиттың арғы жағында да мойындалып жатыр.
Ерсұлтанның АҚШ-қа келгеніне жарты жыл да болмаған. Оның ІТ-жоба екі ай бұрын осында таныстырылып, қазірдің өзінде екі компаниямен келісім-шарт жасасқан. Ал, Қазақстанда Call2action 30-дан аса компанияда жүзеге асып жатыр. Олардың қатарында Қазақтелеком, Қазпошта сияқты танымал серіктестері бар. Негізгі бағыт – жұмысқа орналастыру. Яғни, жасанды интеллекті кандидаттардың түйіндемісін талдап, онлайн сұхбат өткізіп, үздіктерін іріктеп, сараптамалық қорытынды жасап береді.
Ерсұлтан Жусақынов, «Call2action» жобасының авторы:
Кез-келген компания рекрютинговый болсын немесе HR болсын, 100 собеседованиені өткізу үшін 1-2 апта өткізеді. Біз 100 собеседованиені 2 сағатта істеп бере аламыз. Отчетын істеп береміз. Сонда сіз жұмысшы іздеп жатсаңыз, бір күннің ішінде ала аласыз.
АҚШ-та жұмыс беруші бір вакансияға адам алу үшін кемінде 3 мың долларға шығындалады. Оның үстіне, іріктеу процессіне аптасына 40 сағат уақыт кетеді. Ал, жасанды интелектінің көмегімен 100 түйіндемені бір күннің ішінде саралап, үздік 5 кандидатты анықтауға болады. Біз де сынақтан өтіп, сұхбат жасап көрдік.
Жасанды интелекті онлайн сұхбат барысында кандидаттың білімін, тәжірибесін ғана тексермейді. Тосыннан түрлі сұрақтар қойып, адамның эмоциясын, іс-қимылын бәрін мұқият қарап, талдайды. Бұл жобаның АҚШ-та жүзеге асуына бірқатар отандастарымыз атсалысып, көмек көрсетуде.
Данияр Ерденов, ІТ маманы:
Риплинг деген компанияда жұмыс істеймін. Копитализациясы 13 млрд доллар. Интерпрайспен біздің Қазақстанның фаундоттарға көмектесемін.
«Call2action» жобасы Қазақстанда тиімді екенін дәлелдеді. Ендігі меже - АҚШ нарығында өз орнын қалыптастыру. Мамандардың айтуынша, қазірдің өзінде ІТ-жобаға деген қызығушылық басым.
