Астанада ерекше қажеттілігі бар балалардың ата-аналарына көмек көрсетілуде

Астанада ерекше қажеттілігі бар балалардың ата-аналарына көмек көрсету мақсатында «Бақытты шаңырақ» қайырымдылық қоры жұмыс істейді. Бүгінде қорда 22 қызмет түрі тегін ұсынылады. Орталық барлық отбасы мүшесіне заңгерлік кеңес, білім беру курстары және психологиялық көмек көрсетеді. Былтыр орталықта мыңнан астам бала білім алып, 70-ке жуық ата-ана тегін курс оқыған. 

Гүлбану Смағұлова, ерекше қажеттілігі бар баланың анасы:

Мен осы жерде тегін тігуді үйренуге болатынын естіп-білдім, осы жерде тігін тігуді үйреніп жатырмын. Көптеген тігін затын тігіп үйрендік. Осының арқасында мен  сұранысқа ие сыпыра, шоппер деген заттарды тігіп, кішкене болса да өзімнің тиын-тебенімді тауып отырмын. Маған көп көмегін тигізді.