Жаңалықтарды Telegram арнамыздан оқыңыз!Балалар арасындағы әлімжеттік неге көбейді? Мәжіліс депутаты Жұлдыз Сүлейменова әлеуметтік желі мен онлайн ойындардың әсерінен дейді. Сондықтан ол кәмелет жасына толмағандарға әлеуметтік желіні шектеуді ұсынып отыр. Сондай-ақ депутат оқушыларға құқық бұзушылықтың жауапкершілігі туралы жиі айтылуы керек деп санайды. Себебі оның салдарын білмей жасағандар болуы мүмкін. Ал мұндай қатігездікке жай ғана балалардың тентектігі деп қарамаған абзал. Жасөспірімдермен қатар ата-аналар да жауапқа тартылуы керек дейді ол.
Жұлдыз Сүлейменова, ҚР Парламенті Мәжілісінің депутаты:
Қазір ата-аналар өзінің баласына тәрбие беруде бәрін мектепке жүктеп қойған. Мектеп жауапты, мұғалім жауапты. Сондай қасаң түсінік бар. Қазіргі біздің қабылдап жатқан заңдарымыз, жүзеге асырып жатқан шаралар ол ата-ананың жауапкершілігіне қарай орайластырған. Сен баланы дүниеге алып келдің бе, ол баланың кәмелет жасқа толғанға дейінгі тәртібіне, баланың тәрбиесіне кім жауапты, әрине ата-ана жауапты. Біз осыны да айтуымыз қажет.
Шархан Жамбылұлы
