Жасанды интеллектінің игілігін көрген кәсіп иелері

Жасанды интеллект туралы көп айтыла бастады. Жаппай үйрену, бүкіл салада қолдану жайлы «міндеттер» қойылып жатыр. Дұрыс. Бірақ ұғып болдық па? Мысалы, қарапайым адамға ең жақын екі сала – денсаулық сақтау жүйесі мен білім беру саласын алайықшы.

Әңгіме Chat GPT дайындап берген баяндама, презентация туралы емес. Мұратқа жету жолында жасанды интеллект мына тұста тиімді құрал, соның арқасында мынадай нәтиже шығады дегендей пайым бар ма? Бар шығар, министрліктердің бәрі жасанды интеллектіні даму стратегияларына кіргізіп жатыр.

Алайда қарапайым адамдар соны түсініп жатыр ма? Түсінбегесін «ол не тағы?» деген күмәнді ой туады. Көңіл толмау онсыз да аз емес. Амангелді Сейітхан түсіндіріп көреді.