Жаңалықтарды Telegram арнамыздан оқыңыз!Қарағандыда «Адал азамат» жобасының жеңімпаздары марапатталды. Ақсақалдар кеңесінің бастамасымен өткізілген ерекше байқау Қазақстан халқы Ассамблеясының 30 жылдығы мен жұмысшы мамандықтар жылына орайластырылған. Комиссия 7 номинация бойынша үздіктерді анықтады. Олардың қатарында ұстаздар, мәдениет майталмандары, еңбек адамдары, дәрігерлер, құтқарушылар бар. Шара аясында ақсақалдар кеңесінің отырысы өтті. Елдің әр түкпірінен келген зиялы қауым өкілдері жас ұрпақты отансүйгіштікке тәрбиелеу, елге қызмет ету, ынтымақ пен бірілкті арттыру мәселелерін талқылады.
Нұрлан Сәтмағамбетов, Т.Күзембаев атындағы шахтаның кеншісі:
Мен 1988 жылы келдім. Училищені бітіргем Майқұдықта. Міне 37 жыл істеп жатырмын сонда. Мен мамандығымды мақтан тұтамын өзім енді неше жыл істеп келем. Еңбектің еленгені деп ойлаймын енді.
