Алматыда Шапық Шөкинге арналған ескерткіш қойылды

Бұл шара елімізде энергетика саласының негізін қалаушы академиктің туғанына 105 жыл толуына орай ұйымдастырылып отыр. Ескерткіш Шапық Шөкин атындағы Қазақ энергетика ғылыми-зерттеу институтының алдына орнатылды. 500-ден астам ғылыми еңбегі бар белгілі академиктің ескерткішін орнату - «Рухану жаңғыру» бағдарламасы аясында жүргізілген игі істердің бірі. Соғыс ардагерлері, ғалымның туған-туыстары мен жолын қуған шәкірттері бас қосқан жиынға қала әкімі Бауыржан Байбек қатысты. Ол Шапық Шөкиннің жаңашыл ғылыми еңбектері арқылы өз кезеңінің қоғамдық сананы жаңғыртушысы болғандығын атап өтті. 

Лаура ҚУАНЫШҚЫЗЫ