Абайтанушы ғалым Мекемтас Мырзахметұлы 95 жасқа қараған шағында дүниеден озды

Өмір бақи Абайтанумен айналысқан ғалым Мекемтас Мырзахметұлы да өмірден өтті. Ол Бауыржан Момышұлының - Бауыржантанудың да басы-қасында болған адам. Кеңес өкіметі дәуірінде елімізде жүрген сұрқия саясатты әшкерелейтін «Қазақ қалай орыстандырылды?» деген еңбек жазған.

«Толық адам» іліміне терең талдау жасап, жаңа қырынан талдап, қорытып, ғылыми айналымға түсірген Мекемтас Мырзахметұлы Абайды толық танып біткен жоқпыз деген.

95 жасқа қараған шағында дүниеден өткен ғалым өмірінің соңына дейін айналып келгенде адамтанумен айналысты. Пайымымен бөлісті. Ізгіліктің, толық адам болуға талпыныстың символындай еді.