Алматыда «Үшкөлтай Субханбердина және Алаш баспасөзі» атты белгілі ғалымдардың басқосуы өтті

«Үшкөлтай Субханбердина және Алаш баспасөзі». Осындай атаумен Алматыда белгілі ғалымдардың басқосуы өтті. Шара баспасөз, библиография ғылымының негізін қалаған кітаптанушы Үшкөлтай Субханбердинаның 90 жылдық мерейтойына арналды. Ғалымдардың сөзінше, зерттеуші ХХ ғасырдың басындағы «Айқап», «Алаш», «Түркістан уәләяты» сынды қазақ газеттеріне Алаш азаматтарының еңбектерін шығарып, артында асыл мұра қалдырды. Сондай-ақ, Үшкөлтай Субханбердина төте жазумен жазылған эпостық, лирикалық жырларды  қазақ тіліне аударып, кітап құрастырған. 10-нан астам жинағы бар.