Қостанайда тұңғыш рет республикалық деңгейде Сабантой аталып өтті

Сабантой - татар, башқұрт халықтарының  да айтулы мейрамы саналады.  Сондықтан, мерекеге Татарстан президенті Рустам Минниханов арнайы келді. Екі ел арасындағы достық қарым-қатынасты паш еткен шарада қазақ халқы мен татар елінің мәдениеті мен өнері кеңінен насихатталды. Ән шырқалып, ұлттық ойындар ойналды, қонақтар  тіл үйірер ұлттық тағамдардан дәм татты.

Татар президенті көпэтносты Қазақстанда барлық халықтың бірлікте, ынтымақта өмір сүруіне қолайлы жағдай жасалғанын ерекше атап өтті.