Астанада «Ислам энциклопедиясы» жарық көрді

Астанада дәстүрлі дініміздің ғылыми-теориялық негізін дамытуға бағытталған «Ислам энциклопедиясы» кітабының алғашқы томы таныстырылды. Кітапты елімізге белгілі 50-ге жуық ғалым құрастырған. Онда Ислам тарихы мен өркениеті, мәдениеті мен әдебиеті, сонымен қатар күллі мұсылманға ортақ ұғымдар мен атаулар қамтылған. Туындының басты ерекшелігі дәстүрлі дінмен сабақтастырыла жазылған. Қазақстан мұсылмандары діни басқармасының төрағасы, Бас мүфти Наурызбай қажы Тағанұлы кітаптың көптомдық болатынын айтады.

Наурызбай қажы Тағанұлы, ҚМДБ төрағасы, бас мүфти:

Алла қаласа, көп томдық кітап болады. 5-6 том болуы мүмкін. Бұл ғылыми еңбекке 50-ден астам ғалым жұмылдырылып, жұмыс жасалып жатыр. 2-3 жылдай уақыт кетті. Алла қаласа Ислам діні жөнінде ақпарат алғысы келген жамағат, ғылым ізденген жастарымыз осы кітапты негізге алып өзінің ғылыми жобаларына пайдалануына болады.

Серік Жұмабек