М.Әшімбаев: Қожа Ахмет Ясауи ілімін халықаралық деңгейде дәріптеу керек

Түркі мемлекеттері ұйымына мүше елдердің дін өкілдерінің қатысуымен «Қожа Ахмет Ясауи және оның рухани мұрасы» халықаралық ғылыми-теориялық конференциясы өтті. Шараға Қазақстан, Түркия, Әзербайжан, Өзбекстан және Қырғызстан елдерінің Бас мүфтилері, елшілер, депутаттар мен халықаралық ұйымдардың жетекшілері қатысты.

Конференция күллі түркі жұртының рухани құбыласы саналған Қожа Ахмет Ясауи мұрасын зерттеп-зерделеу, отандық және шетелдік ғалымдардың ғылыми ізденістерін бір арнаға тоғыстыру, сондай-ақ тұлғаның даналық хикметтері мен өсиеттерін халықаралық деңгейде дәріптеуге бағытталды.

Мәулен Әшімбаев, ҚР Парламенті Сенатының төрағасы:

Ясауи жолы ұлттық және түркілік бірегейлігімізді нығайтудың кепілі. Бүгінгідей сын-қатерлерге толы алмағайып заманда өзімізге тән ерекшеліктерді сақтай отырып дамудың маңызы өте зор екені анық. Бұл тұрғыдан алғанда Ясауи ілімінің берері мол.

Серік Жұмабек