Жеке кәсіпкерлікті мемлекеттік қолдау 1 қазанда басталады

Биыл ішкі саудадағы жеке кәсіпкерлерге мемлекеттік қолдау көрсету үшін республикалық бюджеттен 4 млрд теңге бөлінеді. Сауда комитетінің төрағасы Айдар Әбілдабеков осылай дейді. Ол сауда субъектілерін жаңарту үшін мемлекеттік қолдау шаралары биылғы жылдың 1 қазанынан басталатынын айтты. Ескеретін жайт, бағдарламаға елдегі 3 мегаполис – Астана, Алматы, Шымкент қаласы қатыса алмайды. Толық ақпарат алу үшін өңірлердегі Сауда және тұтынушылардың құқығын қорғау Департаменттеріне хабарласуға болады.

Айдар Әбілдабеков, ҚР Сауда және интеграция министрлігі сауда комитетінің төрағасы:

Мемлекеттік қолдау шаралары 2 түрлі тәсіл арқылы көрсетіледі. Біріншісі – несие мөлшерлемесін субсидиялау. Екіншісі – несиеге кепіл беру. Жалпы мемлекеттік қолдау шаралары 4 түрлі мақсатқа бағытталған. Олар сауда базарларын жаңғыру үшін, сауда объектілерін салу, кеңейту, реконструкциялау үшін, үй жанынан дүкен салу үшін, сауда салада IT бағдарламалар жасау үшін.

Серік Жұмабек