Кәсіподақтар федерациясы: АЭС - қарқынды өндіріс пен қуатты экономика кепілі

Құрамында 2 миллионға жуық мүшесі бар, кәсіподақтар федерациясы үндеу жасады. Олар АЭС салудың тиімді тұстарын нақтылап өтті. Қарқынды өндіріс пен қуатты экономиканың қайнар көзі, тұрақты әрі қолжетімді энергия екенін айтады. Сондықтан атом электр станциясын салу тиімді деп отыр. Осы арқылы энергетикалық тәуелсіздікті қамтамасыз етіп, жаңа жұмыс орындары ашылады деді.

Оразбек Бекбас, Қазақстан энергетиктерінің салалық кәсіподағының төрағасы:

Экспортқа қарағанда, импортымыз 10 есе көп. Себебі бізде электр энергиясы жетпей жатыр. Ақшалай санаған кезде экспортқа 60 млн-ға электр энергиясын сататын болсақ, ал импортқа 267 млн-ға электр энергиясын Ресейден және Қырғызстаннан сатып аламыз. Атом электр станциясын салу деген ол өте керек дүние, ештеңеден қорқудың қажеті жоқ. Себебі болашақ атом электр станцияларында.

Серік Жұмабек