Жаңалықтарды Telegram арнамыздан оқыңыз!Олжас Бектенов XVII жазғы Паралимпиада ойындарына қатысатын Қазақстан құрамасына мемлекеттік туды табыстады. Байрақты бәсекеде көк байрағымызды Азия Паралимпиада ойындарының жүлдегері, отырып ойнайтын волейболдан Қазақстан чемпионатының 10 дүркін жеңімпазы Берік Ізмағанбетов және пара оқ атудан Қазақстан чемпионатының жеңімпазы Севда Алиева көтеріп шығады. Спортшыларға мемлекеттің басты рәміздерінің бірін табыстаған Үкімет басшысы Ұлттық паралимпиада құрамасына сәттілік тіледі. Жарыс 28 тамыз бен 8 қыркүйек арасында Франция астанасы Парижде өтеді. Паралимпиада ойындарында 44 қазақстандық спорттың 9 түрінен ел намысын қорғайды.
Серік Жұмабек
