Африкада маймыл шешек ауруы тарап жатыр

Африкада маймыл шешек ауруының тарауына байланысты төтенше жағдай жарияланды. Конгода босқындар тұратын лагерьде бұл аурудың мутацияға ұшыраған түрі белең алды. Вирус бұрынғы штамға қарағанда әлдеқайда жұқпалы. Шілденің ортасынан бері инфекция 35 адамнан анықталған. Олардың тең жартысы - жасы 5-ке толмаған балалар.

Тағы 200-ге жуық тұрғыннан маймыл шешек белгілері байқалған. Науқастар дәрігерлердің жіті бақылауында. Конгода бұл вирусқа қарсы арнайы ем немесе екпе жоқ. Елде былтырдан бері оны 27 мың адам жұқтырып, вирустан 1 мыңнан астам адам қайтыс болған.

Арай Төлегенқызы