Жерорта теңізінде 44 мигрант құтқарылды

Жерорта теңізінен 44 мигрант құтқарылды. Жағалау күзеті олар мінген қайықты Италияның Лампедуза аралының оңтүстік жағалауынан байқаған. Құтқарылған шетелдіктер арасында әйелдер мен балалар бар. Олар қауіпсіз жерге жеткізілді. Италияда заңсыз миграциямен күрес мәселесі өткір тұр. Бұған қатысты ел Албаниямен келісім жасаған еді. Оған сай Италияға бет алған мигранттар алдымен Албаниядағы уақытша ұстау лагерлеріне жіберіледі. Бұл орталықта оларға пана беру немесе өз елдеріне қайтару мәселелері шешіледі. Яғни, мигранттардың құжаттарын рәсімдеу жеңілдейді. Алайда көпшіліктің сынына ұшыраған келісім әлі күшіне енген жоқ. 

Арай Төлегенқызы