Маңғыстауда 10 жасар бала суға кете жаздады

Жеткіншек ата-анасымен бірге Құрық ауылындағы теңіз жағалауына барып, үрлемелі шеңбермен суға түскен. Толқынның салдарынан бала жағалаудан 300 метрдей қашыққа кетіп қалған.

Абырой болғанда, сол аумақта кезекшілікте жүрген мамандар жеткіншекті құтқарып қалды. Аймақта жыл басынан бері 9 адам суға кеткен. Оның екеуі - бала. Ал 51 адам судан құтқарылды.

Альберт Омаров - ТЖД Жедел құтқару жасағының бас құтқарушысы:

Баланың жағдайы жақсы. Кішкене шошынған. Ата-анасына тапсырылды. Алғашқы көмек қажет болған жоқ. Қаншама үгіт-насихат жұмыстары жүргізіліп жатыр. Соған қарамастан қауіпті аймақтарға, суға түспейтін жерлерге сонда да балалар түседі. Тыңдамайды. Әкімшілік хаттама толтырылады.