Түркістанда «Жасыл аймақ» ағаш егу акциясы өтті

«Таза Қазақстан» экологиялық бастамасы аясында Түркістан облысындағы Сарыағаш қаласында «Жасыл аймақ» деп аталатын ағаш егу акциясы өтті. Шараға аудан жастары, еріктілер, қоғам белсенділері қатысты. Жиналғандар Жастар аллеясының аумағында тазалық жүмыстарын жүргізіп, өңірді көгалдандыру мақсатында қылқанжапырақты ағаш көшеттерін отырғызды. Бұл қарекет тұрғындар арасындағы экологиялық мәдениетті қалыптастыруға, табиғатты аялауға деген жауапкершілікті арттыруға бағытталған. Ағаш егу акциясы туған жерді жасыл желекке айналдыруға мүмкіндік береді дейді аудан жастары.

Сымбат Сүлеймен, Сарыағаш аудандық жастар ресурстық орталығының маманы:

Жалпы, бұл «Жасыл аймақ» дамыса, қаламыздың өкпесі де ашылады деген ойдамын. Бүгінгі шарада егілген әрбір тал болашақ ұрпағымызға аманат деп білемін.