Жаңалықтарды Telegram арнамыздан оқыңыз!
Алматыда 26 қайырымдылық ұйымның жұмысы тоқтатылды. Олардың қатарында «Ана Аманаты» қыздар мектеп-интернаты, «АМАНАТ» және «Алмалы» әлеуметтік балалар үйі-интернаттары, «Сауран-Ислам мәдени орталығы» және тағы басқа қайырымдылық ұйымдары бар.
Бұл туралы қалалық соттың баспасөз қызметі хабарлады. Құзырлы орган мәліметінше, орталықтарда жасөспірімдердің өмірі мен денсаулығына тікелей байланысты өрескел заң бұзушылықтар болған. Міндеттерін дұрыс орындамаған ұйым басшыларының үстінен қылмыстық іс қозғалды.
