Жаңалықтарды Telegram арнамыздан оқыңыз!Әл-Фараби атындағы Қазақ Ұлттық университетінде «Шығыстану» залы ашылды. Бұл Шарджа Әмірлігі билеушісінің қолдауымен жүзеге асып отыр. Жиынға Біріккен Араб Әмірлігі «Араб тілі академиясының» арнайы делегациясы қатысты. Академия мен университеттің бірлескен жобасы аясында енді Шарджада оқытушылар мен студенттер тәжірибе алмасады. Қос ел ғалымдары «Әл-Фараби» кітапханасындағы сирек қолжазбалар қорында сақталған, араб әріптерімен жазылған еңбектерге зерттеу жұмыстарын жүргізу туралы келісімге қол қойды.
Еркінбек Шоқай, Әл-Фараби атындағы ҚазҰУ «Арабтану» орталығының жетекшісі:
Араб әлемі үлкен әлем. Араб әлемінде 22 ел бар. Басым көпшілігінде біздің елшіліктер, дипломатиялық корпустар жұмыс жасайды. Сондықтан ол жерлерге мамандар өте қажет. Жылдан жылға бұл артпаса, төмендеп отырған жоқ. Сондықтан араб тілін зерттеуге мамандануға талпыныс білдіретін шәкірттердің, талапкерлердің саны артпаса кемімейтіні анық.
