Мұнай бағасы шілдеден бері алғаш рет 100 доллардан асты

Таяу шығыстағы әскери жанжалдың қайта ушығуы мұнай нарығына кері әсер етіп отыр. Соңғы мәліметке қарағанда, энергетикалық шикізаттың Brent маркасының баррелі бірден 2 пайыздан аса қымбаттап, шілдеден бері алғаш рет 100 доллардан асып кеткен. Ал америкалық мұнайдың құны 95 долларға жақындап қалды.

Сарапшылардың ойынша, «қара алтын» бағасының күрт өсуіне АҚШ-Иран шиеленісінің қайта ушығуымен бірге йемендік хуситтердің Сауд Арабиясының энергетикалық нысандарына шабуыл жасап, аймақтағы соғыстың ауқымын кеңейту мүмкіндігі себеп болып отыр.