Қарағанды облысында коронавирус жұқтырғандар көбейді

Қарағанды облысында қаңтар айының басынан бері 51 адам коронавирус жұқтырған. Соның 32-сі осы ақпанда тіркелген. Алайда, бұл өткен жылдың бастапқы екі айымен салыстырғанда 10 есеге төмен. Былтыр қаңтар,ақпан айларында коронавирус жұқтырғандар саны 600-ден асып кеткен еді.

Қазір ел арасында инфекцияның 2 штамы жүріп жатыр. Олардың қаншалықты қауіпті екені белгісіз. Дүниежүзілік денсаулық сақтау ұйымының мәліметінше, соңғы аптада әлемде 360 000 адам ауырып, 2000-ы қайтыс болған. «Сондықтан сақтанған жөн», - дейді мамандар.

Жанна Рәшитова, облыстық санитариялық-эпидемиологиялық бақылау департаментінің бас маманы:

Жаңа штамдардың қаншалықты қауіпті екені белгісіз. Аурудың белгілері жедел респираторлық-вирустық инфекцияның белгілеріне тән. Тұмау сияқты басқа инфекцияларға ұқсас. Сондықтан диагнозды дәл анықтау үшін сіздерде тек зертханалық тексеру арқылы дәл анықтауға мүмкіндік болады.

Руслан Нұрланұлы