Жаңалықтарды Telegram арнамыздан оқыңыз!Семейде «Абай жолы» кітапханасы жобасы аясында өңірден шыққан ақын, жазушылардың кітаптар топтамасының тұсаукесері өтті. Облыс әкімінің қолдауымен қолға алынған мәдени шара Қазақстанның мәдениеті мен әдебиетінің дамуына ықпал етуге, ұлы тұлғалар мен ақын, жазушылардың туындыларын қайта жаңғыруға бағытталған. Алғашқы топтамада Төлеужан Ысмайылов, Тұрсын Жұртбай, Әзілхан Нұршайықов, Несіпбек Айтұлы, Бауыржан Жақып пен Думан Рамазан сынды тұлғалардың шығармалары 16 кітап болып басалды. Енді жыл сайын әдебиет саласындағы қазіргі буынмен қатар Абай, Мұхтар, Шәкәрім шығармалары да жаңартылып тұрақты түрде басылып отырмақ.
Бауыржан Жақып, ақын:
Кешегі Абай, Мұхтар, Шәкәрім сияқтылар туған өлке. Сол ұлы Абайдың мектебі бар. Сол Абай мектебінің бар екендігін паш етіп «Абай жолы» деген жаңадан кітаптар сериясын шығаруды қолға алып жатыр. Бұл руханият саласындағы үлкен бір жаңалық деп ойлаймын.
Ержан Жақып
