Азия кубогында сенсация: Тәжікстан Біріккен Араб Әмірліктерін пенальти сериясында жеңіп, ширек финалға шықты

Қатарда футболдан өтіп жатқан Азия кубогында сенсация! Дүбірлі додаға алғаш рет қатысып жатқан Тәжікстан құрамасы 1/8 айналымында Біріккен Араб Әмірліктерін пенальти сериясында жеңіп, ширек финалға шықты.

Матчтың 30-минутында тәжік елінің футболшысы Вахдат Ханонов есеп ашты. БАӘ ойыншылары негізгі уақыттың соңына қарай ғана есесін қайтара алды. Ойынның негізгі уақытын 1:1 есебімен тең аяқтаған қарсыластар қосымша уақытта да бір-бірінің осал тұсын таба алмады. Ал пенальти сериясында 5:3 есебімен тәжіктер жеңіске жетті. Енді олар ширек финалда Ирак/Иордания жұбының жеңімпазымен ойнайды.