Жаңалықтарды Telegram арнамыздан оқыңыз!Атыраудағы аурухананың жансақтау бөлімінде ауыр жіті вирустық инфекциядан сәби көз жұмды. 1 жастағы бала бұған дейін 9-15 желтоқсан аралығында аталған инфекция бойынша және бронхит диагнозымен стационарда емделген. Тіпті, денсаулығы жақсарып, ата-анасымен үйге жіберілген. Бірақ екі күннен кейін дене қызуы жоғарылап, жөтел күшейіпті. Жедел вирусты инфекцияның ауыр өтуіне және өкпе қабынуының асқынуына байланысты нәресте 23 желтоқсан күні жансақтау бөліміне жатқызылған. Барлық реанимациялық шаралар өткізілгенімен, сәбидің өмірін сақтап қалу мүмкін болмады дейді дәрігерлер.
Нұрсұлтан Нұрсейіт
