Жаңалықтарды Telegram арнамыздан оқыңыз!Қыркүйек-желтоқсан айларында Жетісу облысында вирустық «А» гепатитін жұқтырғандар саны 7 есе өскен. Егер өткен жылы індеттің ілмегіне ілінгендер небәрі 4 адам болса, биыл 29-ға жетіп отыр. Оның 27-сінің диагнозы зертханалық сынамалармен расталған. Олардың арасында 14 жасқа дейінгі бала саны – 6-ау. Науқастардың 28 пайызында гепатит адамнан адамға жұқса, 72 пайызында маусымдық сырқат деп белгіленген. Қазір олармен қарым-қатынаста болған азаматтар медициналық бақылауға алынып, иммундау жұмыстары жоспарға сай жүргізіліп жатыр.
Индира Күнбасова, Жетісу облыстық санитариялық-эпидемиологиялық бақылау департаменті басшысының орынбасары:
Бұл жұқпа вакцинасы бар. Бұл вакцинаны енгізілгелі бері, мысалға біздің облыста 2011 жылдың қараша айынан бастап енгізілген. Сол жылдардағы сырқаттанушылықпен салыстырсақ, қазіргі сырқаттанушылық 7 есе төмендеді.
Қуаныш Қанатұлы
