Еліміздің бірнеше аймағында 44 градус аяз болады

Қазақстанның басым бөлігінде 44 градусқа дейін аяз болады. Қазгидромедтің болжамынша, қолайсыз ауа райы солтүстік және батыс өңірлерде апта соңына дейін сақталады. Күннің суытуына байланысты бірқатар облыста жол жабылды.

Нақтырақ айтсақ, республикалық маңызы бар 46 жол учаскесінде көлік қозғалысы шектелді. Ал Ақмола облысы мен солтүстік өңірлерде аяз күшейіп, түнгі уақытта ауа температурасы минус 32-35 градусқа дейін жетті. Желдің екпіні секундына 9-14 метр. Аязға байланысты бүгін Елордада бірінші және екінші ауысымның тоғызыншы сыныпқа дейінгі оқушылары мектепке бармайды. Сабақ онлайн өтеді. Ал Қарағанды мен Теміртауда сабақ екі сағатқа кеш басталды.

Айя Мүтәлі