Басты Жаңалықтар Қызылшамен ауырғандардың 85 пайызы – екпе алмағандар

Қызылшамен ауырғандардың 85 пайызы – екпе алмағандар

28.11.2023 19:35

Премьер-министрдің өзі екпені күшейту керек деп жатқанымен, бас тартқан ата-аналар көп. Шымкентте қызылша жұқтырғандардың 85 пайызы вакцина салдырмағандар, дейді дәрігерлер.

Айгүл Тұрымбетова, қалалық Санитариялық-эпидемиологиялық бақылау департаменті басшысының орынбасары:

Оның ішінде 48 пайызы – вакциянаны алмаймын деп бас тартқандар. Олардың басым бөлігі ата-аналарының вакцинаға деген сенімсіздігі, сонымен қатар діни көзқараспен салдырмай жатқандары бар. Осы көрсеткіш аурушаңдыққа ең әсер етіп жатқан бөлігі болып тұр.

Министрдің мәліметінше, қызылшамен ауырғандардың ең көбі Шымкентте, 3 мыңнан асады. Басым бөлігі 14 жасқа толмаған балалар. Қазір екі ересек адам мен 3 жасар бала жансақтау бөлімінде жатыр. Олар қызылша ауруына шалдыққан, бірақ жанама ауруларының асқынып кетуіне байланысты күшейтілген ем-шара қабылдауда.

Жамбыл облысында да қызылша жұқтырғандар көбейіп кетуі мүмкін. Сондықтан аймақтық басқарма ауырғандарды жатқызу үшін үш аудандық аурухананы дайындап жатыр. Қазір дәрігерлерге күніне 20-35 адамға дейін жүгінуде.

Бөлісу